再談雷曼事件
雷曼事件,如果銀行要上身,咁就大鑊。
要知道,銀行的角色只係中間人,屬過水濕腳角色,始作俑者乃雷曼也,如果銀行要賠款(尤其要賠足嘅話),咁就真係偷雞唔到蝕渣米矣!
在我看來,經濟學只分兩派:「搵到派」與「搵唔到派」。小弟乃屬前一派,故得閒同大家喺度分享下搵銀心得… 至於後一派係點,由於本人從未涉足,如欲進一步了解,敬請另聘高明。
欲猜黃金的去向,一定要看美元。而美元的去向將造成通漲或通縮。
通所週知,通過千億又千億美元的救市方案,美元本質上已成村長個女,只因祖先淨落家底雄厚,兼且過去幾十年此女確又有幾分姿色,故暫時仲可以叫頂得住下,但以後又點呢?
未來經濟的去向,一是滯漲,二是通縮。至於通漲,由於經濟向下需求減少,失業率唔向上都唔會跌啦,你敢話未來可見日子會有通漲?
如果估計新增美元會大量流出市面,資金沒太多出路,唯有盲炒商品原材料(你敢炒股?2010年前公司盈營利前景你敢睇好?)造成滯漲-揸黃金隨時發過豬頭。
如果估計新增的美元大部分只用來填數,沒有許多流出市面,加上經濟回落需求減少──通縮則已,揸住黃金可能渣都冇。
至於滯漲定通縮呢個問題,自問到目前為止,怒我呢個喺今次金融漣漪中keep得住四肢健全嘅…暫仍答不出來。